Poème choisi de façon aléatoire dans notre fonds à chaque visite de cette page.
Celluy qui art monstra plus qu’admirable
Et providence en l’infiny mystère,
Quand il créa l’un et l’autre hemispere
Et plus que Mars Juppiter amiable :
Venant ça-bas donner clarté durable
Aux saincts escriptz, qu’avant n’avoient sincere,
Print lierre et Jan des rhetz et de misere,
Et leur fit part en son regne honnorable :
Il ne daigna vouloir à Romme naistre,
Comme en Judee ; ainsi veult et ordonne,
Que l’humble estat sur tous aultres soit maistre.
Ore un soleil d’un petit bourg nous donne
Tel, que nature et la place est ornée,
Dont entre nous si belle dame est née.