Poème choisi de façon aléatoire dans notre fonds à chaque visite de cette page.
Quand ses beaux yeux doucement elle encline,
Et ses espritz en un souspir rallie,
Baissant les mains, et que sa voix deslie
Clere, souefve, angelique et divine :
Lors de mon cueur, je sens faire rapine,
Et ma joye est tellement accomplie,
Que de mourir là mesure je supplie,
Si le haut ciel voit que j’en soye digne.
Mais le doux chant de mes sens possesseur,
Et le désir d’oyr telle doulceur
Mon ame preste a departir refreine.
Ainsi je vis, et ainsi tire et lasche
Le court fillet, ou ma vie s’attache,
Ceste du ciel seule au monde Sireine.