Poème choisi de façon aléatoire dans notre fonds à chaque visite de cette page.
C’estoit le jour, que le soleil perdit
Pour la pitié de son facteur clarté
Quand je fu pris d’amour, et la beaulté
De vos yeux, Dame, à son joug me rendit.
Ne me sembloit temps qu’Amour prétendit
À me frapper : dont j’allais en seurté,
Hors de ma garde, et dont ma malheurté
Au commun dueil print sa source et crédit.
Le cault amour lors me trouva sans armes,
La voye aussi des yeulx au cœur duisante
Qui par ce coup sont faictz ruisseanlx de larmes
Dont peu d’honneur ha du faict, s’il s’en vante.
Surprendre ainsi mon ame desarmée,
Et n’oser l’arc monstrer à vous armée.