Poème choisi de façon aléatoire dans notre fonds à chaque visite de cette page.
Si donques jay en quelque endroit dorée
D’or de sçavoir l’ignorance et l’oubly,
Si un vil cœur j’ay de gloire ennobly,
Si j’ay Thaïs pour Lucrece honoree :
Si de vertu volupté decoree,
L’homme sans nom d’un renom accomply,
L’inique fier d’un los de juste emply,
Le mescreant de la foy adorée.
Si j’ay nommé l’avare liberal,
Le poltron fort, le parjure loyal,
Le sot accort, le bastard legitime,
On ne m’en doit aucunement blasmer,
S’ilz ne sont tels que les faiz estimer
Telz je les veux, non telz je les estime.